Fair User policy
اضربنا على أفانا. اه اضربنا بس بطريقه صايعه قالولنا ضعفنا السرعه قولنا عمار يا مصر والله بتحب تخدم ولدها وبتوفرلهم الحاجه الوحيده الي تعتبر رخيصه و بترفه عن الشباب وبتعتبر ارخص وسيله اتصالات في مصر وبتعتبر ايضا المصدر الوحيد للرزق لبعض الناس\
وبعد اعتراض الشباب من سنه تقريبا على تحديد الانترنت حدده برده وقالك ترشيد الاستخدام وانا من حقي بأعتباري من مشتركي الفئه الاقل في مصر 512 و التي لا يسمع عنها ابناء جيلي في اوروبا و امريكا علشان السرعه ديه كانت عند اجددهم وانقرضت وبقى عندهم حاجات محترمه علشان حكومتهم بتحترمهم المهم بقى حقى عند مزود خدمه الانترنت اني استخدم 25 جيجا بايت محدش يقول ينزل 25 جيجا علشان انت لما بتعمل تصفح انت بتستهلك من ال 25 جيجا ولما بتعمل تشات انت بتستهلك و محبي ال youtube فابحب ااقدملكم خالص التعازي علشان مش هتعرفوا تتفرجوا على كل حاجه برحتكم و كل ده علشان خاطر عيون ترشيد الاستهلاك
جه مسؤل من الشركه العظيمه دي تيته :) بيقولك 25 جيجا مستحيل حد ينزلهم المشكله انه بيكلم معتز الدمرداش في برنامج تسعين دقيقه هو راجل مذيع ومش مطالب منه انه يعرف في الحاجات ديه فالراجل بقى استغل كده واقعد يقول اي كلام واحلى سبب بصراحه اقنعني شخصيا بتطبييق ترشيد الاستهلاك انه هيمنع الوصلات على اساس ان انت لما تدي حد وصله وانت مثلا 512 فا معنى كده ان كل واحد فيكوا بينزل بــ 512 الله اكبر ايه الحلاوه ديه والله اهل البندر دول عليهم شوية حاجات
المهم لو طلع مسؤل يتكلم صح و يقول الحق هيريحنا بس احنا مش صغيرين ولا جاهلين بالانترنت علشان تضحكوا علينا. قولوا احنا بنخنق عليكم هنبقى عارفين ايه الي فيها مش تقولوا علشان مصلحتكم وكلام ملوش اي لازمه
لاحول و لا قوة الا بالله
