Monday, September 03, 2007

Difference between Selfstudy and Kazm el Saher

من فتره كده تقريبا تلات اربع خمس ايام مش فاكر غلطت واتفرجت على التلفزيون وايه بقى الي حصل ولا ايه الي كان شغال حفله ليالي التلفزبون حفله كاظم الساهر
بحبـــــــــــــــــــــــــــــــــــــــــــــــــــــــــــــــــك يا كاظم :D :D :D
المهم حسيت بفرق السلف ستادي عن اي حاجه تانيه
اولا بجد والله انا كنت مش فاهم ايه الي بيحصل يعني بنات بترقص كده وسط الناس عادي وياريت ناس هي تعرفهم لا ده رقص قدام الكاميرات والناس مهو ممكن تخبط معاها ومنتج يشوفها فيخدها معاه فيلم تاخد قرشين حلوين تظبط نفسها
يا عم الدنيا بقت استاكوليوس :D:D
وكل ما يخلص ابو كاظم اغنيه اسمع واحده تقول بحبـــــــــــــــــــــــــــــــــــــــــــــــــــــــــــــــــك يا كاظم اه والله كده قدام الناس وممكن الي كانت بتقولوا كده قاعده مع السيد حرمها قصدي السيد جوزها
سيبك من ده دلوقتي هنقول الفرق
1- السلف ستداي مجاني في حلوان
حفله كاظم بفلوس اد كده في مدينه ناصر
2- السلف ستادي بيفيدك وبينفعك في مستقبلك
حفله كاظم بتخليك تظبط اي بنت بترقص جنبك قصدي بيسمعك كاظم الساهر
3- السلف ستادي بيبني ناس علشان تكمل في درستها وتخليها تعلم الناس الي بعدها
حفله كاظم بتعلمك انت واولادك لو لسه متعلموش يعني انهم يقولوا بحبك ياكاظم من غير خجل عادي يعني
4-السلف ستادي ناس اكيد كان غرضها تفيد اصحابها وزميلاها
5- الي شارك في حفله كاظم اكيد نفسو يخلي الناس.......

انا مش قصدي بالسلف ستادي حلوان بس ولا السلف ستادي الي انا كنت بديه ولكن قصدي كل ناس قدرت تعمل حاجه تفيد غيرها اذا كان جافا ويك ولا غيره

بس بجد كان موضوع لذيذ اوي :D
انا بقالي كتير مش بكتب اصلا في البلوج ومحدش سأل عليا قلت اكتب بقى :D:D:D