Sunday, January 03, 2010

Another stupid HR employee

انا اسف :) بس ساعات كتير مش بعرف امسك نفسي اني اتكلم بطريقه مش لطيفه من غير مقدمات انا كنت نايم النهارده صحيت على تليفون موظفه اسمها هايدي من شركه مش عارف اسمها بس هي في شارع النصر في المعادي. بتقولي انا هايدي (خد بالك) اتش ار من شركه مش عارف ايه وهنعمل (خد بالك) معاك انترفيو بكره الساعه اربعه والعنوان كذا كذا قولتلها ممكن تبعتيلي العنوان في رساله على الموبيل (قلتلي لا حضرتك لما تفوء و تصحصح كده ابقى كلمني ادهولك تيت تيت تيت).

مكدبش عليكو انا النوم طار من عيني ومين البنأدمه ديه علشان تتكلم بالطريقه السخيفه ديه… يعني هنعمل انترفيو بكره الساعه اربعه من غير ما تاخد رأيي في المعاد واذا كان مناسب ولا لا و كمان بتقولي صحصح وفوئ وابقى كلمني….. روحت كتبتلها رساله…

So, I’m not interested in your interview…. when you do it do it gently or don’t at all, thanks Ramy Mahrous


بكل ذوق لقتيها بتكلمني و بتقولي احنا اصلا مش interested في حد زيك وهقولك معلومه لما حد يكلمك من ال اتش ار لازم تبقى فايق وانت بتكلمه وتجري على الانترفيو وتتطلب العنوان بأهميه مش تقولو ابعتلي رساله وكمان علشان يبقى عنده feedback عنك كويس قولتلها هايدي لما تتكلمي – قلتلي مادام هايدي لوسمحت- على اساس اني شوفت الدبله الي في ايديها الشمال او هي قلتلي. المهم قولتلها تبقى تتكلمي بطريقه ذوق شويه وبعد كده تيت تيت تيت :)

بجد مش بحب التعامل مع التش ار ساعات بحس انهم اصحاب الشركه واحنا جاين نشتغل عندهم حاجه تقرف بجد…..