Thursday, April 26, 2007

Bye bye my faculty 1

بسم الله الرحمن الرحيم
معدل في 5/2
كنت بفكر امبارح بعد ما اقعدت اتكلم مع حد وحسيت ان مينفعش انك متحبش حد بسبب بس اختلافك معاهم وعلشان كده فكرت وقولت لازم امسح الكلام كده بعد ما صفيت من نحيتهم هما الاتنين بقولهم متزعلوش مني لعله خير الي كتبته. والله العظيم حسيت انكوا هتوحشوني

اوشكت الدراسه على الانتهاء وكل واحد/ه هيشوف مستقبله، فاضل تقريبا 10 ايام بالكتير وبعد كده مش هنشوف بعض غير يومين للناس الي هتقدم المشروع 1/7 او يوم واحد للناس الي هتقدم المشورع 2/7 طب انت بجد مبسوط ولا زعلان ؟؟؟!! انا عن نفسي هزعل اوي على كل واحد مش هشوفوا مش لازم من دفعتي انا هزعل على كل الناس الي من الاربع دفع الي اعرفهم.
انا هزعل على الواد عيسوي حبيبي مش هلاقي حد يهيس زيه فالشغل
انا هزعل على الواد يوسف مش هلاقي حد ارخم عليه واستفزه كده
انا هزعل على الواد خالد، الولد ده انا بحبه جدا
طبعا حبيب قلبي احمد جمال ربنا يخليه لينا انا مش عارف ازاي مش هشوفه بجد الولد ده سبحان الله حب الله باين عليه الوحيد الي محدش يقدر ميحبهوش
انا هزعل على حسام وضحكته الي زي العسل
انا هزعل على احمد سعيد مش هلاقي حد اغلبه فالسله
انا هزعل على احمد مبارك والله مش هلاقي حد يقولي انا لو مش عارف اه مكنتش جيت البلد ديه
انا هزعل طبعا على الواد كريم ازاي مشفشي كريم بقرشه
انا هزعل على الواد محمود اوي وضحكت الشيطان و "خفــــــــــــــــــــــــــــــــــــــــــه"
انا هزعل على الواد تامر مش هلاقي حد اضربه بعده
انا هزعل على الواد ايهاب مش عارف مين هيضربه بعدي
طبعا مش هازعل على ابو السيد علشان انا هبقى علطول معاه على القهوه
انا هازعل على نبيل وطريقه كلامه بس ان شاء الله هيبقى معيد وهنبقى نيجي نشوفه وهو بيضرب من العيال
انا هازعل على شريف علشان هو نموذج من الشاب الكلاسيكي مش هاشوف زيه J
انا هازعل علشان مش هاشوف اسلام بالدوجلز بتاعته، حلوه يا اسلام خليها يمكن اشوفك صدفه بعد كده
انا هازعل على عبدالمجيد طبعا بعديا هيبلطج على رضا و عبدالحفيظ مهو مش بيقدر يعمل حاجه معاهم و انا موجود.
انا هازعل على رضا و عبدالحفيظ ابو شعر خشن
انا هازعل
طبعا في ناس مش هاشوفها و هزعل بجد علشان اتعود عليهم اوي كريم زكريا و كريم فوزي ابو عامر دسوقي و ثابت و مصطفى سالم و جدو خالد و علاء و جمال و خالد و ناس كتير اوي

اتمنى لكل واحد ان ربنا يوفقه في حياته ويكرمه و يارب كل البنات تتجوز طبعا مش هذكر اسماء البنات بس بجد
ربنا يكرمكوا وتتجوزا وتجيبوا عيال هبله :D :D :D

في ناس اتكلمت احسن مني فالموضوع ده
هاله و رحاب و احمد عيسوي و فاطمه و خالد و احمد مبارك
فاكرين عيد ميلاد عمرو و ولاء


طب فاكرين ختام الاسبوع الثقافي الي عملوا احلى اتحاد طلبه

فاكرين منتخب الوحوش بتاع سنه رابعه


في المكان ده كنا بناخد محاضرات فاكرين؟؟