آخر تحديث:29/01/2012 الساعة 15:10
المعرض السنة ديه جميل.. التنظيم سيء آه… الصالات الي كنّا متعودين عليها –دورين- اتهدت وبقى مكنها خيم، دار واحدة إسمها دار السلام فيها أكتر من دار بتتيح ليك أنك تبحث عن أي كتاب عندها… لسه قدمنا 10 أيام… لسوء التنظيم حبيت أشارك الناس كل الي أصدقائي بيرشحوا من الكتب وبعض النبذات عن المعرض تفيد أي حد هيروح… لو عندك شيء عاوز تضيفه، أعمل كومينت وانا هعمل تجديد للبوست ده كل شوية
نبدأ بترشيحات الكتب
غادة عيسوي وعاصم الشوادفي وسعد طه
كتب فريد الأنصاري و كتب عبد الكريم بكار في دار السلام هتلاقوها بعد دار الشروق عند بوابة رقم 10 على الشمال
أحمد عبد المنعم
مجلدات تاريخ ب5 جنيه في دار الأسرة هتلاقوها علي الشمال و انتم داخلين من بوابة صلاح سالم .. هتلاقوا مكتبة مصر وبعدها الأسرة
آلاء السيد
1- روضة المحبين ونزهة المشتاقين - لابن القيم
من دار رسالة بجوار جناح المملكة العربية السعودية
السعر : 10 جنيه
2- كتاب الرحيق المختوم - لصفي الرحمن المباركفوري
من سور الأزبكية
السعر : 12 جنيه
ولقيته بعد كده ب 22 ف دار تانية :D
3- القراءة منهج حياة - راغب السرجاني
من دار اقرأ ، قدام سور الأزبكية
السعر : 3 جنيه
4- كيف تحافظ على صلاة الفجر - راغب السرجاني
من دار اقرأ ، قدام سور الأزبكية
السعر : 8 جنيه
5- الداء والدواء - ابن القيم
دار الفجر للتراث - موجودة ف خيمة كبيرة أوي خلف سور الازبكية
السعر : 9 جنيه
6- الزواج الاسلامي السعيد - الشيخ محمود المصري
سور الأزبكية
السعر : 24 جنيه
7- التربية النبوية للطفل - محمد نور سويد
دار السلام
السعر : 31 جنيه
8- استمتع بحياتك - محمد العريفي
مش عارفة اسم الدار بس من نفس المكان اللي جبت منه الداء والدواء ، خلف سور الازبكية
السعر : 10 جنيه
9- رأيت الله و حوار مع صديقي الملحد و الحب والحياة و رحلتي من الشك الى اليقين - لـ مصطفى محمود
دار أخبار اليوم
السعر : 7 جنيه للواحد
10- شرح الأربعين النووية - للإمام النووي
نفس مكان شراء كتاب الداء والدواء واستمتع بحياتك ، خلف سور الازبكية
السعر : 7 جنيه
11- أرز بلبن لشخصين - رحاب بسام
دار الشروق
السعر : 21 جنيه
12- آخر ليالي الحلم ، هذي بلادي لم تعد كبلادي ، ماذا أصابك يا وطن ، دائما أنت بقلبي - ل فاروق جويدة
دار أخبار اليوم
السعر : 8 جنيه للواحد
13- شبهات حول الاسلام ، هل نحن مسلمون - محمد قطب
من دار رسالة بجوار جناح المملكة العربية السعودية
السعر : 20 جنيه
14- رواية إشراق - محمد العدوي
دار الفكر العربي
السعر : 10 جنيه
محمد إلهامي
التأمل، كيف تصل إلى اليقين دار إقرأ… كتب د.راغب السرجاني ود.محمد الصلابي هناك لأنها الدار الي بتنشر لهم ود.راغب مُشرف عليها كتب تاريخية هتعجبكوا.
عمرو عبد البديع
http://www.facebook.com/media/set/?set=a.10150639622403408.453346.578748407&type=1
رامي محروس
كتب الشهيد عبد القادر عودة وكتاب رسالة إلى أختي المسلمة “المعروف بأفراح الروح” لسيد قطب وكتب عن سيد قطب وحسن البنا وتكوين الجماعة دار المختار في صالة 3 أسعارها رخيصه جدا جدا وفيها كتب بتتكلم عن رواد الصحوة الإسلامية.
كان في دار إسمها الأمل بتبيع البداية والنهاية 6 مجلدات ب90 جنية مش زي ما قولت امبارح 60 جنية -معلش غلطت-
في جناح السعودية.. في أمهات الكتب بأسعار حلوة.. وإشتريت كتاب التوحيد بشرح بن عثيمين 55 جنيه.
سور الأزبكية في واحد لقيت عنده دُرر بجد.. كتب قديمة ترجع لسنه 1948 وبأسعار حلوة جداً –هو إسكندراني- بس مش عارف مكانه بالضبط.
بفضل إشتري كتب سيد/محمد قطب من سور الأزبكية عن دار الشروق علشان السعر
دار الشروق: من أنظم الدور وفيها كتب جميلة وكتاب “طبائع الإستبداد ومصارع الإستعباد”لكواكبي بتقديم محمد عمارة هناك.
خريطة المعرض http://www.cairobookfair.org/maps.aspx آخر يوم للمعرض إن شاء الله يوم الثلاثاء 07/02/2012
تويتات عن المعرض
