Friday, July 10, 2009

اشحنلي لو سمحت

كان نفسي اعمل البوست ده من زمان بس مش عارف ليه كل ما كنت اجي اعمله انسى او اتشغل المهم انا حصلي موقف لا اتنين هما زي بعض بس مختلفين في النتيجه.

طبعا كلنا بنحول رصيد و بيتحولنا رصيد وبتختلف يجيك او يروح منك حسب ظروفك الاقتصاديه وظروف اهلك

اخويا بيبعتلي رصيد شبه يوميا :) مش قلنا حسب حالتك الاقتصاديه فا مره غلط رايح باعت 20 جنيه لحد غيري طبعا انا قولت الحق ميزعلش ودول برده يا جدعان 20 جنيه ومش لازم نفتري على النعمه رحت هوب مكلم الست طلعت ست الي اتحولها الرصيد

انا: مساء الخير
هي: مساء النور
هي: مين معايا
انا: قولتلها اخويا بعت لحضرتك رصيد بالغلط ولومفهاش ازعاج ممكن ترجعيلو الرصيد تاني
هي: هو اخوك؟؟ دا انا بحسبه السنترال
انا: لا اخويا هو الي غلط
هي: معلش يابني اصل صرفتهم كلهم (مع اني كانوا لسه مبعوتين). بس تقول ايه بقى
انا: قلتلها حصل خير شكرا مع السلامه

انا بقى كنت ببعت رصيد بس مش لأخويا المهم بعتهم غلط وكانوا 5 جنيه احب اذكر سيادتكم انه حسب الحاله الاقتصاديه بس غلط قولت بص بقى مش هكلم حد لحسن يقولي دا انا بحسبه عم عبده البواب شحنلي و قولت 5 جنيه والحمد لله مجتش في حاجه كبيره

لقيت رساله جيالي من الرقم الي بعتلوه الرساله غلط بالمبلغ انا تنحت قلت طب ازاي رحت بصراحه قولت اكلمه اشكره لأقيته شاب صوته محترم جدا راح قيلي لا العفو انا حسيت برده انه اتبعت لط علشان انا معرفش النمره ديه قولتوا جزالك الله الف خير وبجد الناس ديه الي بتخلي الواحد يرجع يقول الدنيا لسه فيها خير :)

3 comments:

Ahmed Essawy

في حاجه مهمه ليها علاقه بالموضوع
احيانا تلاقي واحد بعتلك رساله و تقول فيها تم تحويل مثلا خمسه جنيه من الرقم الفلاني و يتصل عليك و يقولك حولي و هو اساسا الي باعت الرساله مش فودافون
علشان كدا يا ريت الناس تاخد بالها
لما تجيلها رساله زي دي ان المرسل فودافون و مش رقم تيليفون
:)

Ramy Mahrous

Jazak ALLAH 5yrn ya Essawy :)

Anonymous

I once returned 5 LE to someone who sent them to me by mistake, but no one called to thank me :(