يلا أحكيلك الحكاية بعد ما فرحتك إني أخدت الرخصه... رحت وحدة مرور عين الصيرة.. اول ما دخلنا "خالد وانا" الناس استقبلتنا بحفاوه والكل بدأ يعرض خدماته وأول واحد عرض خدمته قالنا 550 جنيه وقالنا من غير ما تقوموا من العربية و15 دقيقة تبقى الرخصة معاكم والفلوس هخدها بعد ما ادلكم الرخصة "SLA" يعني مش هتلاقيه في شركه!!
المهم رفضنا... وبدأنا الإجراءات عادي ومشينا فيها
سلمنا الورق للست بعد ما إتصورت بالنضاره، علشان الست قالتلي انت عامل كشف نظر بالنضاره ولازم صورك تبقى بالنضاره... حاضر من عنيا... ورحت إتصورت 8 صور بـ 20 جنيه...
قالتلي اتفضلوا الساعه 10:30 تبقوا هنا علشان تختبروا شفوي... الساعه كانت 9:30!! إستغربنا ليه الساعه ديه نستناها... وأكتشفنا إنها الساعه المباركه بتاعت اليوم الي بيتم فيها تخليص الي بيدفع "للإمانه العلميه والموضوعيه محدش يقدر يقول إن في موظف من داخل مبنى وحدة تراخيص المرور بياخد فلوس" بس لما دخلنا الصالة ديه لقينا الناس بتاخد رخص والحياه ماشيه والمفروض إن الإختبار الشفوي لسه مبدأش!!
خالد ألح وأصر إننا نشتكي للراجل كبير القاعده... وبما إن كبير القاعده كان مشغول كلمنا المهندس المسئول عن الإختبارات الشفويه وقولنا له الي حصل وإزاي سامحين الناس ديه تستغل الي جايين يطلعوا رخص وكمان يتكلموا مع المواطنين بصيغة لو مدفعتش ابقى شوف هتاخدها إزاي؟!
الراجل قال ملناش سيطرة خارج المبنى ده ودول ناس بلطجيه واوعى تدلهم فلوس...
خالد مش بيسكت راح قال للراجل وإزاي البلطجيه دول بيخلصوا اوراق للبيدفعلهم والراجل تقريبا معرفش يرد!
ولكن الراجل وعدنا اننا هنيجي الساعه 10:30 وهنعمل الإختبارات الشفويه وكله هيبقى تمام...
رحنا قعدنا في عربية خالد وجه راجل يكلمنا وقالنا هتخلصوا على كام يا باشا... قولنا له انت عاوز على كام... المهم هو إستنى لحد ما نقول إحنا وبما إن الأمانه في الرشوه شيء جميل :) خالد قاله بكل براءة الراجل الي قبلك طلب رشوة 550 جنيه أنت عاوز رشوة كام؟؟ وكأن الراجل كان بيصلي بينا إمام وأحنا غلطنا فيه قلب وشه وقال رشوه مين يا اوستاااذ :) خالد قاله طب بالله عليك هي إسمها ايه؟ الراجل ملقاش إسم ليها وإبتسم إبتسامه غريبه كده وطبعا بعدها سيل من الكلام الأي كلام.. بتاع الحياه والمرتب ووووو...
دخلت الإختبار الشفوي الساعه 10:30 وقبل ما أدخل المهندس الي كلمناه... خلاني أكلم رئيس الوحده وسمع الكلام مني ورد نفس الرد.. ملناش سيطرة عليهم.. مع إنه شرطه! المهم سألني المهندس أمام الضابط 4 أسئلة في الإشارات جاوبت على 2 ومعرفتش 2 وقالي لو بتعمل الفيلم ده "إني أشتكيله من الناس وكده" علشان انجحك هسقطك لو سمحت راجع على الإشارات تاني وتعالى.
دخلت تاني ومن غير إختبار نجحني "توسم فيا الذكاء إني أكيد بعد نص ساعه بحالها إستحاله هكون محفظتهاش" وعملت إختبار السواقه ونجحت وخدت الرخصه من غير ما أدفع شلن أبيض.
الدروس المستفادة
أ- لو خدت الرخصه من غير ما تعرف الإشارات وتسوق.. إحتمال كبير تعمل حدثه وتضيع أرواح ناس، وذنبهم أكيد في رقبتك.
ب- خايف من إيه لو إنت كويس؟ ليه تاخد رخصه وأنت مش بتعرف تسوق مش لازم تبقى متمكن!
ج- ليه تدفع لواحد مبلغ كبير زي ده.. لكونه بيكلمك بطريقه بلطجه؟ فين كرمتك؟
د- الصحبه الصالحه بتأمر بالمعروف وتنهى عن المنكر، 90% من رفضي بسبب تشجيع خالد وتثبيته إن الحق في إتباع الحق مش في النتيجه
هـ- عدم السكوت، خالد مسبش حد إلا وكلمه وفي الآخر بعد ما أخدنا الرخصه دعى للراجل الي طلب رشوة برزق حلال وربنا يعفو عنه
و- إن الفساد مش هينتهي إلا إن الناس تمتنع عن الإقبال عليه... عمر ما تجار المخدرات هيبطلوا مخدرات إلا لو الي بيشتري منهم بطل وطبعاً لو في عقوبات صارمه وقيس على ده كتير...
النهاية وصل رسالتك لكل الناس، إمتنع عن دفع رشوة إكراميه هديه ومهما لبسوا الرشوة اي زي... إسمها رشوة وحكمها معروف للصغير قبل الكريم عند ربنا... محدش هيقدر يوقف شغل 1000 واحد علشان مدفعوش رشوة... بس هتبقى صعبه جداً لو 950 مُصرين يدفعوا و50 مش راضين بس ال50 هيبقوا راضين بأعمالهم ومفيش خوف من لقاءه...
المهم رفضنا... وبدأنا الإجراءات عادي ومشينا فيها
سلمنا الورق للست بعد ما إتصورت بالنضاره، علشان الست قالتلي انت عامل كشف نظر بالنضاره ولازم صورك تبقى بالنضاره... حاضر من عنيا... ورحت إتصورت 8 صور بـ 20 جنيه...
قالتلي اتفضلوا الساعه 10:30 تبقوا هنا علشان تختبروا شفوي... الساعه كانت 9:30!! إستغربنا ليه الساعه ديه نستناها... وأكتشفنا إنها الساعه المباركه بتاعت اليوم الي بيتم فيها تخليص الي بيدفع "للإمانه العلميه والموضوعيه محدش يقدر يقول إن في موظف من داخل مبنى وحدة تراخيص المرور بياخد فلوس" بس لما دخلنا الصالة ديه لقينا الناس بتاخد رخص والحياه ماشيه والمفروض إن الإختبار الشفوي لسه مبدأش!!
خالد ألح وأصر إننا نشتكي للراجل كبير القاعده... وبما إن كبير القاعده كان مشغول كلمنا المهندس المسئول عن الإختبارات الشفويه وقولنا له الي حصل وإزاي سامحين الناس ديه تستغل الي جايين يطلعوا رخص وكمان يتكلموا مع المواطنين بصيغة لو مدفعتش ابقى شوف هتاخدها إزاي؟!
الراجل قال ملناش سيطرة خارج المبنى ده ودول ناس بلطجيه واوعى تدلهم فلوس...
خالد مش بيسكت راح قال للراجل وإزاي البلطجيه دول بيخلصوا اوراق للبيدفعلهم والراجل تقريبا معرفش يرد!
ولكن الراجل وعدنا اننا هنيجي الساعه 10:30 وهنعمل الإختبارات الشفويه وكله هيبقى تمام...
رحنا قعدنا في عربية خالد وجه راجل يكلمنا وقالنا هتخلصوا على كام يا باشا... قولنا له انت عاوز على كام... المهم هو إستنى لحد ما نقول إحنا وبما إن الأمانه في الرشوه شيء جميل :) خالد قاله بكل براءة الراجل الي قبلك طلب رشوة 550 جنيه أنت عاوز رشوة كام؟؟ وكأن الراجل كان بيصلي بينا إمام وأحنا غلطنا فيه قلب وشه وقال رشوه مين يا اوستاااذ :) خالد قاله طب بالله عليك هي إسمها ايه؟ الراجل ملقاش إسم ليها وإبتسم إبتسامه غريبه كده وطبعا بعدها سيل من الكلام الأي كلام.. بتاع الحياه والمرتب ووووو...
دخلت الإختبار الشفوي الساعه 10:30 وقبل ما أدخل المهندس الي كلمناه... خلاني أكلم رئيس الوحده وسمع الكلام مني ورد نفس الرد.. ملناش سيطرة عليهم.. مع إنه شرطه! المهم سألني المهندس أمام الضابط 4 أسئلة في الإشارات جاوبت على 2 ومعرفتش 2 وقالي لو بتعمل الفيلم ده "إني أشتكيله من الناس وكده" علشان انجحك هسقطك لو سمحت راجع على الإشارات تاني وتعالى.
دخلت تاني ومن غير إختبار نجحني "توسم فيا الذكاء إني أكيد بعد نص ساعه بحالها إستحاله هكون محفظتهاش" وعملت إختبار السواقه ونجحت وخدت الرخصه من غير ما أدفع شلن أبيض.
الدروس المستفادة
أ- لو خدت الرخصه من غير ما تعرف الإشارات وتسوق.. إحتمال كبير تعمل حدثه وتضيع أرواح ناس، وذنبهم أكيد في رقبتك.
ب- خايف من إيه لو إنت كويس؟ ليه تاخد رخصه وأنت مش بتعرف تسوق مش لازم تبقى متمكن!
ج- ليه تدفع لواحد مبلغ كبير زي ده.. لكونه بيكلمك بطريقه بلطجه؟ فين كرمتك؟
د- الصحبه الصالحه بتأمر بالمعروف وتنهى عن المنكر، 90% من رفضي بسبب تشجيع خالد وتثبيته إن الحق في إتباع الحق مش في النتيجه
هـ- عدم السكوت، خالد مسبش حد إلا وكلمه وفي الآخر بعد ما أخدنا الرخصه دعى للراجل الي طلب رشوة برزق حلال وربنا يعفو عنه
و- إن الفساد مش هينتهي إلا إن الناس تمتنع عن الإقبال عليه... عمر ما تجار المخدرات هيبطلوا مخدرات إلا لو الي بيشتري منهم بطل وطبعاً لو في عقوبات صارمه وقيس على ده كتير...
النهاية وصل رسالتك لكل الناس، إمتنع عن دفع رشوة إكراميه هديه ومهما لبسوا الرشوة اي زي... إسمها رشوة وحكمها معروف للصغير قبل الكريم عند ربنا... محدش هيقدر يوقف شغل 1000 واحد علشان مدفعوش رشوة... بس هتبقى صعبه جداً لو 950 مُصرين يدفعوا و50 مش راضين بس ال50 هيبقوا راضين بأعمالهم ومفيش خوف من لقاءه...
