Daily news 21/1

الحمد لله... اليوم كان عنيف... بداية من امبارح بليل حيثُ الارق... ونمت الساعه تقريباً 6.5 وصحيت الساعه 10.25 وربع مش وخمسه وعشرين دقيقه :) النهارده هحكي موقف... موقف مؤثر والله... يدل اننا شعب طيب... وسط مشاكلنا بتوه رؤيتنا لطبيتنا... مش بناخد بالنا منها... ولا حسّين بيها...
انا ساكن في وسط البلد... نزلت من البيت على الساعه 12 اروح اجيب من شركتي القديمه ما يثبت انه مشيت منها علشان اعمل كعب عمل للشركه الجديده. النهارده الخميس لازم اعمل كعب العمل قبل ما اروح الشغل يوم الاحد... مفيش وقت... النهارده نص يوم اخرهم 1.5!! روحت المهندسين ورجعت على وسط البلد وعملت كعب العمل ورجعت على المهندسين تاني علشان اسلمه للشغل الجديد وبعد كده رجعت البيت!!
انا روحت مكتب العمل (الي بطلع منه كعب العمل الساعه 1 ونص وخمسه) قبلت الموظفين على السلم... استنوا بس... قبل ما اروح سألت هو فين مكتب العمل انا عارف الشارع بس بنسى العماره كل مره... قالي العماره الي جنبي بس الحق علشان النهارده نص يوم... روحت على طول لقيت الموظفات نازلين قولتلهم حضرتكم تبع مكتب العمل؟ قالولي اه بس احنا قفلنا خلاص... قولتلهم أصل انا جيت يوم الاتنين علشان اعمل كعب العمل... بس كنت لازم اجيب استماره 6 وعلشان التأمينات لحد النهارده مخلصتهاش وانا لازم اجيب كعب العمل واسلمه لشغلي الجديد قبل يوم الاحد روحت رايح شغلي القديم وجبت إخلاء طرف... ولسه راجع حالاً من المهندسين... قالتلي والله الموظفه بتاعت كعب العمل مشيت... قولتلها والله مصدقك ربنا يكرمك قالتلي تعالى الساعه 8.5 يوم الاحد ونخلصهالك :) قولتلها شكرا جدا...ربنا يباركلك... المفاجأه واحده منهم قالتلها لا ميجيش يوم الاحد احنا نطلع نعملهالو :)) هما موظفات شؤون عاملين بس الشغل الحكومي بالعشرهٌ بيتفهم... هما 2 ستات عمرهم من 45 لي 55 سنه... طلعوا السلم الرخم علشان يساعدوني... وعملولي كل حاجه... والله كان ناقص يكتبولي الورقه الي المفروض املاها انا... أم تاتشد بجد... مين قال ان الخير مش موجود... اعلم تمام العلم لو كنت في مؤسسه خاصه كان قالي روّح لامك احنا خلصنا... مش معناه برضه ان كلهم وحشين... بس برضه مش معناه ان كل الموظفيين وحشيين... والاعم ان بلدنا لسه بخير.


بيقول ايه الواد ده؟؟
لما روحت سألت الراجل على مكتب العمل وانا في عز اللف ده ابتسامتله ورميت عليه السلام رد عليا السلام وكلمني كويس ونبهني اني الحق قبل ما يقفلوا مع انه ميعرفش اني مستعجل ولا فارق معاه اعمله ولا معملوش... كان مكتب تصوير ومحاولش يقولي طيب مش هتصور وتصور؟! 
لما قبلت الموظفات كلمتهم بكل إحترام معلتش صوتي عليهم وشكرتهم قبل ما يقدمولي المساعده وكنت مقدر اد ايه اني انا غلطت اني اتأخرت مقولتلهاش يعني انتي هتتعبي لو طلعتي.
الشاهد ان الخير وحسن المعامله بيجيب نتيجه ونتيجه كويسه جدا.


شكراً للي طلبت منهم يدعولي... أكيد كان سبب من أسباب التوفيق :)

يعني ايه؟

يعني ايه وطن؟ يعني ايه ضعيف؟ يعني ايه انتماء؟ يعني ايه تعذب نفسك واهلك وكل انسان بيحبك؟ يعني ايه دين؟ يعني ايه حياه؟ يعني ايه طاعه؟ يعني ايه شريعه؟ يعني ايه حب ربنا وعباده؟


الآيات ديه هي الأجابة بتاعتي


لَّا يَسْتَوِي الْقَاعِدُونَ مِنَ الْمُؤْمِنِينَ غَيْرُ أُولِي الضَّرَرِ وَالْمُجَاهِدُونَ فِي سَبِيلِ اللَّـهِ بِأَمْوَالِهِمْ وَأَنفُسِهِمْ ۚ فَضَّلَ اللَّـهُ الْمُجَاهِدِينَ بِأَمْوَالِهِمْ وَأَنفُسِهِمْ عَلَى الْقَاعِدِينَ دَرَجَةً ۚ وَكُلًّا وَعَدَ اللَّـهُ الْحُسْنَىٰ ۚ وَفَضَّلَ اللَّـهُ الْمُجَاهِدِينَ عَلَى الْقَاعِدِينَ أَجْرًا عَظِيمًا ﴿٩٥﴾ دَرَجَاتٍ مِّنْهُ وَمَغْفِرَةً وَرَحْمَةً ۚ وَكَانَ اللَّـهُ غَفُورًا رَّحِيمًا ﴿٩٦﴾ إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنفُسِهِمْ قَالُوا فِيمَ كُنتُمْ ۖ قَالُوا كُنَّا مُسْتَضْعَفِينَ فِي الْأَرْضِ ۚ قَالُوا أَلَمْ تَكُنْ أَرْضُ اللَّـهِ وَاسِعَةً فَتُهَاجِرُوا فِيهَا ۚ فَأُولَـٰئِكَ مَأْوَاهُمْ جَهَنَّمُ ۖ وَسَاءَتْ مَصِيرًا ﴿٩٧﴾ إِلَّا الْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ لَا يَسْتَطِيعُونَ حِيلَةً وَلَا يَهْتَدُونَ سَبِيلًا ﴿٩٨﴾ فَأُولَـٰئِكَ عَسَى اللَّـهُ أَن يَعْفُوَ عَنْهُمْ ۚ وَكَانَ اللَّـهُ عَفُوًّا غَفُورًا ﴿٩٩﴾ وَمَن يُهَاجِرْ فِي سَبِيلِ اللَّـهِ يَجِدْ فِي الْأَرْضِ مُرَاغَمًا كَثِيرًا وَسَعَةً ۚ وَمَن يَخْرُجْ مِن بَيْتِهِ مُهَاجِرًا إِلَى اللَّـهِ وَرَسُولِهِ ثُمَّ يُدْرِكْهُ الْمَوْتُ فَقَدْ وَقَعَ أَجْرُهُ عَلَى اللَّـهِ ۗ وَكَانَ اللَّـهُ غَفُورًا رَّحِيمًا

الانتحار هو الحل

من البدايه اعذروني لو المقال فيه حرج او كلام خارج -لحد دلوقتي مش عارف هقول ايه- لكن انا بعتذر مقدماً


تعليقاً على احداث تونس لا اعلم أحد لم يفرح بما قاموا به، بثورة أطاحت بنظام الحاكم الغاشم الذي عانه منه أجيال وأجيال حتى جاء هولاء البواسل ليضعوا حريتهم ويشتروهوا بدماء شهدائهم ادعوا الله ان يكتب لهم الجنه ويغفرلهم ذنوبهم.


لكن مش معنى ان الثوره قامت بإنتحار شاب يعني ان كل حوادث الانتحار هي حلال وصح ونهاية الانكسار والذل وبداية عصر جديد من العدل والخير. صحيت النهارده على خبر رجل حاول الانتحار امام مجلس الشعب -المصري- أسوة بالشاب التونسي. وكل الناس بتقول اصل المعيشه قرف وتبرير احمق ان الي عمله ده صح ولا لوم عليه.


فعن أبي هريرة رضي الله عنه عن النبي صلى الله عليه وسلم قال : ( مَن تردى من جبل فقتل نفسه فهو في نار جهنم يتردى فيه خالداً مخلداً فيها أبداً ، ومَن تحسَّى سمّاً فقتل نفسه فسمُّه في يده يتحساه في نار جهنم خالداً مخلداً فيها أبداً ، ومَن قتل نفسه بحديدة فحديدته في يده يجأ بها في بطنه في نار جهنم خالداً مخلداً فيها أبداً ) رواه البخاري ( 5442 ) ومسلم ( 109 ) .


وعن ثابت بن الضحاك رضي الله عنه أن رسول الله صلى الله عليه وسلم قال : ( مَن قتل نفسه بشيء في الدنيا عذب به يوم القيامة ) رواه البخاري ( 5700 ) ومسلم ( 110 ) .


وعن جندب بن عبد الله رضي الله عنه قال : قال رسول الله صلى الله عليه وسلم : ( كان فيمن كان قبلكم رجل به جرح فجزع فأخذ سكيناً فحز بها يده فما رقأ الدم حتى مات . قال الله تعالى : بادرني عبدي بنفسه حرمت عليه الجنة ) رواه البخاري ( 3276 ) ومسلم ( 113 )


وقد ترك النبي صلى الله عليه وسلم الصلاة على المنتحر ، عقوبةً له ، وزجراً لغيره أن يفعل فعله ، وأذن للناس أن يصلوا عليه ، فيسن لأهل العلم والفضل ترك الصلاة على المنتحر تأسيّاً بالنبي صلى الله عليه وسلم .


فعن جابر بن سمرة رضي الله عنه قال : ( أُتي النبي صلى الله عليه وسلم برجل قتل نفسه بمَشاقص فلم يصل عليه ) رواه مسلم ( 978 ) .


قال النووي :


" المَشاقص : سهام عراض .


من http://islamqa.com/ar/ref/70363


الي هيتقال بعد كده ملوش اي علاقه بالحكم على الشاب بوعزيري! علشان الناس الي بتحب تهيص


الي عاوز اقوله ليه تنتحر؟ علشان تقوم ثورة في مصر؟ علشان شايف ان حالك اصعب حال في الدنيا؟ لو كده حاول تسافر الصومال او غزه او العراق او افغانستان! موت نفسك هناك بس هتبقى شهاده في سبيل الله اقتل الي اقتلوا اخوك وابوك واغتصبوا امك واختك.
بجد برجع احسبها من التاريخ لو كان قطز ملقاش راجل وقف جنبه في الحرب ضد التتار!! الكل كان ولّع في نفسه مهو الحاكم طاغي وموالي وبيموت الصالحين والعلماء والحاله ضنك وزي الزفت كان يموت نفسه!! بس ياربنا انا زهقت من العصر الي معيشني فيه وده قدرك عليا وانا مش عجبني انا هاشيل الفيشه واديني خلصت على نفسي وانا مرضي اعيش 30 سنه بدل ماتعيشني العمر الي كتبهولي في الذل الي انا شايفه!! هي كده لو شايف ان الي بيقول الكلام ده قليل الادب مع ربنا فا الي بيقتل نفسه مليون قليل الادب مع ربنا. احنا من جوا ضعاف علشان ميتيين على الدنيا لو مجبتش عربيه لو مأكلتش النهارده لو متجوزتش لو معشتش زي الي احسن مني يبقى ملعون ابوها دنيا... بجد نسينا الاخره وخلينا الدنيا الحياه الابديه اي حاجه نغضب ونعترض على قضاء الله... مش متخيل لو دين الاسلام ده نزل علينا كنا عملنا ايه؟ بجد في ناس بتستحمل وفي ناس نفسيتها اضعف من غصن الشجره الي بيحركوا نسمة هوا... مقدرش اقولك اني مش بحب الحياه وبموت فيها بس في حاجات مقدرش اعديها... التأمل نعمة... وام النعم كلها لو مش هتتأمل هتحس انك اتعس انسان لو فكرت في غيرك هتعرف انك في نعمه... كلامي مش معناه اننا نرضى بس نثور بعقل نعمل الي عملته تونس بس منموتش نفسنا... كل حرف اتكتب ربنا هيحسبنا عليه كل حاجه قولناها علشان نرضي بيها الناس "تعمل ليك او رتويت" وعارفين من جوانا انه مش وقته دلوقتي علشان نقول الصح علشان مش هيوافق عقول الناس، ربنا هيحسبنا عليه ولا الناس ولا الي حكمنا عليهم هينفعونا.


ولو الوقت هيخلينا نطلع فتاوى تتوافق مع العصر وعادي جداً انها تتصادم مع شريعة الله فا ممكن نعمل مبادرة ان المحرمات كلها حلال لو الي عملها حس بظلم واقع عليه من حكومته والي يشجعه ياخد ثواب من نفس على مسلم كربه من كرب الدنيا

لا تعليق

Daily news 12/1

صحيت بعد قسط كافي من النوم... الشيطان بيقولي نفّض... ولا تروح ولا تيجي... انت لسه واخد اجازه هتنزل تعمل مشاوير!!... انا رديت عليه... روحت قايم... مصلي... ولبست هدومي ونزلت... بعد ما عملت ورقه لذيذه... كاتب فيها المفروض اعمل ايه!...
1- اصور البطاقه الجديده، شهادة المؤهل، شهادة الميلاد وشهادة تأديه الخدمه العسكريه :) قدوه حسنه بجد كنت مثال للجندي المصري.
2-استلم الفيش والتشبيه من القسم.
3- مش عاوز اتصور فا هطلع على الصوره بتاعتي.
4- هاروح لحسين الترزي الحاج حسين يعني علشان هافصل عنده البناطيل مليش في الجاهز.. بدل ماشي بناطيل لا
5- المفروض ادور على نموذج توصيه "ريكومنديشن ليتر تمبلت"
6- كرفص، جزر، فاصوليا، كوسه، برتقال، ماجي (لو عرفت هنعمل ايه هتاخد جائزه البوست)

ادعوني أستجب لكم

قال شقيق بن إبراهيم : مر إبراهيم بن أدهم في أسواق البصرة فاجتمع الناس إليه فقالوا له : يا أبا إسحاق, إن الله تعالى يقول في كتابه:

( ادعوني أستجب لكم ) – غافر 60- ونحن ندعوه منذ دهر فلا يستجيب لنا . فقال إبراهيم : يا أهل البصرة ماتت قلوبكم في عشرة أشياء .
أولها: عرفتم الله ولم تؤدوا حقه.
والثاني: قرأتم كتاب الله ولم تعملوا به.
والثالث: ادعيتم حب رسول الله صلى الله عليه وسلم وتركتم سنته.
والرابع: ادعيتم عداوة الشيطان ووافقتموه.
والخامس: قلتم نحب الجنة ولم تعملوا لها.
والسادس: قلتم نخاف النار ورهنتم أنفسكم لها.
والسابع: قلتم إن الموت حق ولم تستعدوا له.
والثامن: اشتغلتم بعيوب إخوانكم ونبذتم عيوبكم.
والتاسع: أكلتم نعمة ربكم ولم تشكروها.
والعاشر: دفنتم موتاكم ولم تعتبروا بهم.

Daily news 7/1

تقدر تقول نمت كويس... نمت كفايه... نمت على سريري... نمت على ان الليلة عدت على خير ومحصلش تفجيرات... صحيت كالعاده قبل الآذان بنص ساعة... صليت وجيت... فتحت الكمبيوتر... طبعاً فتحت تويتر... لقيت خبر احزني... للأمانه زي موضوع رأس السنه... مفيد الخبر هو أخ سلفي قتل من جانب الشرطة المصريه لأشتباه بدون دلائل علميه ولا نظريه في تفجيرات كنيسه القديسيين... كا اي فرد... دعيت... واحتسبته شهيداً... وقولت حسبي الله ونعم الوكيل... شوية تويتات لتنفيس الغضب... قمت قاعدة مع امي... ممكن تبقى القاعده الاخيره... مهو انت مش في بلد آمن... قولت انضفلها الشقه... استغل عدم وجود ابويا واخويا... الي مسافرين علشان يدفعوا 4 الاف جنيه نظير حماية ارضنا... الي في ناس عاوزين يبوعوها بعقود مزوره... وعاوزين يخدوها بلطجه... عجباً لأمر المؤمن كله خير... واخويا... التاني الي مسافر علشان يشتغل... نضفت الشقه... فرزت كل اوراقي... رميت الي مش محتاجه... ونضفت الدولاب... روقته... وآي بوت افري ثينج إن اوردر... لا اعلم... بجد مش عارف... اهو قلبي كان بيدق... علشان قلقان على اهلي الي مسفرين... ولا على كل شئ... اشوفه افتكر... حبيبتي... سألت... هو ليه الموضوع... مكملش؟! نصيب... ونعم بالله... بس... الحمد لله... بس قولت هو مينفعش الرجوع؟!... تذكرت فرحتي لما طلبت من حد يعملها الغويشه... عرفت الهوى مذ ان عرفت هواكِ... خلصت كل حاجه... امي متوتره كأن اهلها في الحرب... بس هي عرفهَ... الناس مبقتش ناس... ممكن حد من الي عاوزين الارض... يقتل ابويا او اخويا... سهل جدا... الانسان ببلاش... وممكن تاخد عليه حد هديه... قولت... هاعملها الاكل... هو سمك... عملت التتبيله... بشرت البصل... غسلت الرز... وجت امي بدأت تتعامل... فكرت في السيد بلال الي مات... لا اتقتل... قولت انا مشهور لحد ما مشهور لدرجة انك ممكن تدور عليا في جوجل... والنعمه الشريفه حتى جرب... قولت مينفعش اقول... محدش عاوز مبرمج ببلاش؟ شرط امشي من البلد ديه انا واهلي وصاحب العمل يوفرلنا مكان نعيش فيه... من غير اجر... من غير رفاهيه... بس هيبقى من غير خوف... من غير اخبار سوده...