Friday, October 15, 2010

ركوب الدراجات

الصحه نعمه نحمد الله عليها في كل وقت. الحمد لله رب العالمين والحمد لله كما ينبغي لجلال وجهه ولعظيم سلطانه...
كمان شهر إن شاء الله هتم أول سنه مع CCC -Cairo Cycler's Club- الي استمعت فيه بكل رحله طلعناها مع بعض بكل النشطات الي اتشرفت اولا واتعلمت ثانيا من كل واحد قبلته هناك. اشخاص على قدر من الاخلاق :)

عادة مش بحب اتكلم على أشخاص بذاتها. بس هتكلم دلوقتي النهارده قبلت شخصيه استريحتلها اوي اسمه راديف من روسيا بيدرس في الازهر، بقاله 5 سنيين في مصر، بيحب مصر جدا وبيقولي مصر فيها جو ديني مش موجود في بلدي وانا حبتها جدا والناس هنا محترميين جدا... اتمنى اجيب شقه واسكن هنا وبيقولي كنت من كام اسبوع في روسيا بس كان قلبي هنا مسبش مصر!!

فوائد ركوب الدراجات :)
1- رياضه جميله بتعودك على الدراجه وممكن تبقى وسيلة مواصلاتك للشغل او النادي او اي حته لو قريبه
2- بتعلي اللياقه وبتحرق سعرات حراريه يعني بالبلدي ممكن تاكل زي الــ... الجميل وميبنش عليك :))
3- بتتعرف على ناس بجد رائعه من مختلف المجالات وبتعمل علاقات اجتماعيه اكيد اكيد هتفيدك
4- بتروح تشوف اماكن جديده وحلوه...
5- فوائد .... بمية قرص.... الناس هي الي بتقول كده مش انا :)))

Tuesday, October 12, 2010

وبفضل ربنا البيانات رجعت

المقالة ديه تعبر عن إمتناني وإعترافي بالجميل لأصدقائي الي ساعدوني ارجع البيانات التي فقدت تماما الامل اني أقدر ارجعهم لما الهارد بتاعي باظ، الحمد لله وبفضل ربنا اولا واخير ثم بمقتراحتهم قدرت ارجعهم. ربنا يباركلكم ويجزيكم كل الخير...

ايمن طارق
احمد بدر
حسين جابر
مروان عويده
حسن سليم

كل الي عملته اني بعت على تويتر أقول http://twitter.com/RamyMahrous/status/26977255216 وهما ردوا عليا بكل الحلول تساعدني....