1- علشان الناس منزلتش يوم 25 يناير واتقتلت علشان العسكر هم الي يحكموا. لا ويحاكموا كمان الي وصلهم للي هم فيه!
2- علشان كنت بعشم نفسي في 9 شهور الاقي رئيس مدني عاش معايا حياته في الشارع حس بالي بحس بيه من ظلم وبهدله واتوجع... واحد يعرف انه زي زيه... اعرف اكلمه من غير ما يقولي احنا الي بنحمي البلد.. واحد مش عايش جوا معسكر منعزل عن الشارع...
3- علشان ميجيش اولادي يدعو عليا اني ساهمت بتسليم بلد من حكم ديكتاتور واحد لحكم أكتر من ديكتاتور.. ويقولولي يا أهبل بعد كل الي عملوه ده وكنت متعشم انهم يسلموا البلد لحكومة ورئيس انتوا اختارتوه بدون اي ضغوط خارجيه...
4- علشان دستور بلدي مينفعش يتكتب في ظل وجود مجلس عسكري عاوز يحط صلاحيات له يبقى مؤسسه أعلى من الدوله كلها.
5- مش عاوز اي مؤسسه تاخد فلوسي ايوه فلوسي وتقولي ملكش فيه احنا عملنا بيها ايه...
6- ممكن اوصل لنقطه تفاهم مع اي ايدولوجية سياسية ولكن مع العسكر هيقولي خيانة عظمى وتهديد أمن البلد والسلاح والقتل هيبقى ابسط رد منطقي لمحاولة محاسبتة في حق من حقوقي...
7- علشان وصلت لنقطه فاصلة مع العسكر لو الانتخابات الرئاسية متعملتش في ابريل الي جاي مش هتحصل اي انتخابات رئاسيه وعندهم من الحيل والكلام المعسول للشعب الي يمكنهم من تأجيلها لملانهايه..
8- علشان بكل أمانه مش واثق ان في انتخابات برلمانيه هتحصل اصلاً، وتمسكهم بعدم تطبيق قانون العزل السياسي للي خرب البلد سياسياً على مدار اكتر من 10 سنيين، اكتر من تمسكهم لمنع محاكمة المدنيين عسكرياً -تعليق صغير هو احنا المفروض نطالب بعدم محاكمة الثوار عسكرياً علشان انا مشفتش غير الثوار هم الي بيتخدوا ولا عمري شفت بلطجي ولا واحد بيهدد الناس في الشارع بيتحاكم عسكرياً ولا حتي القائد الاعلى للقوات المسلحه!!- الله المستعان...
9- علشان الفترة الانتقاليه تعتبر طريق غير ممهد لعجلة الانتاج وانا هممني بناء دوله مدنيه علشان محدش من اهل بلدي يحس ان الثورة جت عليه بخساره ومبارك كان زي الفل.. واحنا الي ولاد..... ميملاش عنينا الا التراب.
10- علشان عساكر الجيش يرجعوا لدورهم الاصلي في حماية البلد وميتحشروش في حاجه مش بتاعتهم.
2- علشان كنت بعشم نفسي في 9 شهور الاقي رئيس مدني عاش معايا حياته في الشارع حس بالي بحس بيه من ظلم وبهدله واتوجع... واحد يعرف انه زي زيه... اعرف اكلمه من غير ما يقولي احنا الي بنحمي البلد.. واحد مش عايش جوا معسكر منعزل عن الشارع...
3- علشان ميجيش اولادي يدعو عليا اني ساهمت بتسليم بلد من حكم ديكتاتور واحد لحكم أكتر من ديكتاتور.. ويقولولي يا أهبل بعد كل الي عملوه ده وكنت متعشم انهم يسلموا البلد لحكومة ورئيس انتوا اختارتوه بدون اي ضغوط خارجيه...
4- علشان دستور بلدي مينفعش يتكتب في ظل وجود مجلس عسكري عاوز يحط صلاحيات له يبقى مؤسسه أعلى من الدوله كلها.
5- مش عاوز اي مؤسسه تاخد فلوسي ايوه فلوسي وتقولي ملكش فيه احنا عملنا بيها ايه...
6- ممكن اوصل لنقطه تفاهم مع اي ايدولوجية سياسية ولكن مع العسكر هيقولي خيانة عظمى وتهديد أمن البلد والسلاح والقتل هيبقى ابسط رد منطقي لمحاولة محاسبتة في حق من حقوقي...
7- علشان وصلت لنقطه فاصلة مع العسكر لو الانتخابات الرئاسية متعملتش في ابريل الي جاي مش هتحصل اي انتخابات رئاسيه وعندهم من الحيل والكلام المعسول للشعب الي يمكنهم من تأجيلها لملانهايه..
8- علشان بكل أمانه مش واثق ان في انتخابات برلمانيه هتحصل اصلاً، وتمسكهم بعدم تطبيق قانون العزل السياسي للي خرب البلد سياسياً على مدار اكتر من 10 سنيين، اكتر من تمسكهم لمنع محاكمة المدنيين عسكرياً -تعليق صغير هو احنا المفروض نطالب بعدم محاكمة الثوار عسكرياً علشان انا مشفتش غير الثوار هم الي بيتخدوا ولا عمري شفت بلطجي ولا واحد بيهدد الناس في الشارع بيتحاكم عسكرياً ولا حتي القائد الاعلى للقوات المسلحه!!- الله المستعان...
9- علشان الفترة الانتقاليه تعتبر طريق غير ممهد لعجلة الانتاج وانا هممني بناء دوله مدنيه علشان محدش من اهل بلدي يحس ان الثورة جت عليه بخساره ومبارك كان زي الفل.. واحنا الي ولاد..... ميملاش عنينا الا التراب.
10- علشان عساكر الجيش يرجعوا لدورهم الاصلي في حماية البلد وميتحشروش في حاجه مش بتاعتهم.
