الله يسمحك يا بلال يا فضل... كلامك مخلنيش اعرف انام!!
انا مش عالم في الدين بس عندي من العلم البديهي بالدين أظنه كافي للرد على كلامك... كلامك الي صدمني فيك.. ده مش كلام ده فقر معرفي بالدين.. ده اي كلام.. يا ديني!! لولا والله اني عاهدت الله على اني اظهر حسن الخلق في الانتقاد في هذا المقال لكان هيبقى الكلام مختلف.
للي ميعرفش بلال فضل نشر شوية كلام ملوش اي تلاته لازمه على تويتر لمحاولة الدفع بالمسلمين الي بيدفعو عن عقائدهم "لو عاوز تقول سلفيين ميضرش" ماهم الشمّاعه الي لو عاوز تقول ان شيء تشدد ومش من الدين تنسبه اليهم. في موضوع ماسبيرو. سبحان الله!!
مش هرد على كل التويتات بس هعرضها كلها واصلا هيبقى كلامي لاشيء!! كلامه بيدمر اساس الدين... مش محتاج رد.. انا فعلاً لحد دلوقتي مش مصدق ان انسان عاقل يقول الكلام ده.. للدرجه ديه وصل التمييع والمداهنه؟ في سبيل ايه؟ وفي سبيل مين؟
فعلاً.. كلام كان صادم ليّا.. انا لا أصدق ان الامام محمد عبده او غيره يشك في خلود من لم يؤمن بالله وبمحمد رسول الله في النار!! لا أحد يقول ان فلان بعينه سوف يدخل النار هذا ليس شأننا -قد يرزقه الله توبه قبل مماته!!- نحن نتكلم في عقيدة واضحه وصريحه ان الله حرّم الجنه على غير المسلم. هل تريد ان تجعل الدين وجهة نظر؟ نقبل اي دين والسلام؟ هل غيرنا يعبد الله الذي نعبده هل يتبعون النبي الذي نتبعه؟ هل الله أمر الناس بتباع أكثر من دين؟ هل الدين الذي من عقائده توحيد الله ونبذ الشرك يدعونني بعبادة ابن الله مهما أختلفت الاسامي؟ هل لله يقول لي في كتابه الحكيم "لم يلد ولم يولد ولم يكن له كفوا أحد" ويقول لأنسان أخر هذه السيده زوجة الله؟ هذا فراغ عقلي لايتفوه الا مجنون...
اما تأويلك لكتاب الله فهذا يكفي http://www.islamweb.net/newlibrary/display_book.php?flag=1&bk_no=50&ID=7 نحن المسلمون لا نأخذ ديننا بالرأي -لكان هذا الدين الآن عهد قديم وحديث وألف نسخه ونسخه- ولكن نفهمه بفهم السلف الصالح المتبعون للصحابه من تعلموا الدين من الرسول صلى الله عليه وسلم. جيل يسلم جيل.
أما رحمة الله التي تشمل غير المسلمين.. فلا تحتاج لرد.. أسأل أي طفل "الي يكذب يروح فين؟" وبعدها أسأله الي يكذب ببعثة النبي وبذاته؟
اما بالنسبه لأني بكتب على كمبيوتر بصنع بلاه بلاه بلاه!! عندك حق انه تقصير مني في المعرفه بس عقيدة الاسلام "وَمَن يَبْتَغِ غَيْرَ الْإِسْلَامِ دِينًا فَلَن يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ" تحتاج لشرح؟
علماء المسلمين الي نجحوا كانوا في مجتمع إسلامي كامل.. يحكم بالشريعه ويحث على العلم والتعلم مكنش فيه من يدعي العلم وهو جاهل يطلع على كل الشاشات لحقن الناس بتفكير مسموم..مكنش فيه جيل بيتفرج على فيلم خالتي فرنسا وحاحا وتفاحه.. تحب اكمل؟
والله التويتايه ديه بالذات فائدة اكثر منها عيب.. هتخلينا نهتم بالعلم ونرجع لدورنا بس ياريت الي غيرنا يتقوا ربنا في الي بيقدموه للمجتمع.
اما لو كان عمل الخير في الدنيا بدون دين دليل على دخول الجنه. كان اولى بذلك عمّ النبي "الي هيدخل النار" الي ربنا لم يأذن لسيدنا محمد انه يترحم عليه... روح اترحم عليه. مهو ساعد اشرف خلق الله في تبليغ دعوته ومنع عنه اعتى كفار قريش. روح وقول انه هيدخل الجنه.. مش هتفرق عن الكلام الي قولته على تويتر!!
ده مش حزق.. دا انا لو أطول احزق واتمرمغ علشان اتزحزح عن النار والله اعملها... سيدنا ابو بكر المبشر بالجنه -من اصدق خلق الله- الي ايمانه يعادل ايمان الامه كلها بما فيهم الصحابه الي اعتقد هنتفق على ان انا وانت منجيش قدر ضفر واحد فيهم قال "لا آمن مكر الله ولو كانت إحدى قدماي في الجنة؟"
حقيقي لن يصلح أمر هذه الأمه.. إلا ما صلح به أولها
10 comments:
انا مزعلتش اوى زيك ، ببساطه منطقع منقوض ، ولو استمع لاى قسيس ، مفروض كل التويتات دى وقتها تمون للنصارى ، الموضوع مش مسلمين ولا سلفيين ، الموضوع دين ، الكلام ده لا دينى ، يعنى الحاج الله يهديه ، رافض الدين من اساسه ، وشايف ربنا _ حاشا لله _ ظالم ، اذن لا يوجد عنده ايمان ن وهذا لا تتعجب مما يصدر منه ، اشكرك على المقال
بصراحة تسلم ايدك بس هو انا عندى تعليق بسيط بس على تويتة الكومبيوتر بصنع مسيحى ويهودى وبوذى وووو
وياريت لو بلال فضل كان اخذ شوية وقت ودور فى كتب التاريخ وفى كتب العلم ويشوف لما كانت تطبق شريعة الله فى الأ رض اين كان علماء الغرب ؟؟ من هم اصحاب الإكتشافات العلمية والتى بنى عليها الغربيون ما وصلوا اليه ؟؟؟
وانا اعتقد انه هو عنده المعلومات دى بس اذا كان ده كلامه على الجنة والنار قيبقى كلامه على علماء المسلمين هيبقى ايه !!
يبنى اولا جزاكم الله خيراً على البوست و متتعبش نفسك - الناس ديه مخها متعرفش بيفكر ازاى - زى الباشا فلوباتير بالظبط بيقولك و هو ( بيحزق ) بجد - عايزين نسأل شيخ الازهر - هل المسيحيون كفرة !؟ - و انا بستغرب - سبحان الله - اذا كنا احنا كفرة فى نظركم هتفرق اية نقول عليكم اية - مهو ما نؤمن بة مرفوض بالنسبالك فبالتالى اعتقادى بالنسبالك غلط - لو قلتلك انك مش كافر ! ازاى تستريح و تنشرح و تتبسط و لو قلتلك انت كافر تزعل - دانت حافظ مش فاهم بقة - انا كافر فى ايماناك و انت كافر فى ايمانى و معتقدى و كافر معناها غير مؤمن بـ - فده شىء طبيعى - بس مش لما بقابلك فى الشارع بقولك صباح الخير يا كافر - عامل اية يا كافر !ـ - ده اعتقاد - هما فاكرين اننا نقدر نغير على حسب محنا متخيليين - هو و الباشمهندز بلال على ما اعتقد - بيفكرونى بالقرأنيين برضة :-) ما ده زمن البدع السحلمى - ربنا يهدينا و يهديهم و يخرجنا منها على خير
بس حفاظاً على صحتك عشان انت صحتك عندى غالية- قلل من بلال - ونوارة و - الاسوانى و ابو حمالات :-) ـ
في تويتاية ليه تودي في داهية لوحدها لما بيقولك انه عايز يحشر في الجنة مع أم كلثوم وعبد الوهاب وبيرم وغيرهم ، أولاً هو كده بيقول انه على يقين ان كل دول دخلوا الجنة ، ربنا يرحم من أسلم منهم بس مينفعش تقول ان حد أكيد في الجنة ، وكمان بدل ما يدعو انه يدخل الجنة مع الرسول صلى الله عليه وسلم والصحابة بيدعو انه يدخل الجنة مع هم على أقل تقدير أقل قدراً في الإسلام من الصحابة!!
والله انا خفت ساعيتها أقول آمين على دعاءه ده
الله يفتح عليك
هو كيلو الجوافه بكام ؟
هى أصلاً تفرق معاك إيه لو فلان حيخش النار أو الجنة فى حياتك اليومية و معاملاتك مع البشر؛ مين يخش أو ميخشش ديه حاجة بتاعت ربنا وحده؛ المفروض إن إحنا كبشر نتعلم نحترم المختلف؛ نتعلم نحب بعض؛ نتعلم نعيش مش منتعايش مع بعض
هي صحيفتكـ فاملأهــــا بما شئــــــــت
شوف هالفيديو اخ رامى
http://www.youtube.com/watch?v=tEUD4AEQiRc
انا عايز بس اسأل سؤال للجميع هنا
وياريت القى اجابة لعقلى قبل قلبى وايمانى
الله الموجود قبل كل الوجود والخالق الجميع والعالم بالمستقبل
الله الرحمن الرحيم
الله ارحم الراحمين
الله العادل
هل من الرحمة او العدل ان بتخذ الله قرار بخلفى وهو يعلم علم اليقين ان نهايتى ستكون عذاب ابدى فى النار
لماذا خلقنى اذن؟
هل من رحمة ارحم الراحمين انه يعلم انى ساعذب غى النار ومع هذا امر بوجودى؟
اسف على الاخطاء الاملائيه وارجوا اجابة لعقلى دون هجوم على شخصى
اشكرك
أترك تعليقك