حبة انصاف ربنا يرحمكم

قالك مش هنعرف نسكت.. لازم يبقى لينا دور في الموضوع ده... مممم خلينا "ننتقد" مش هقول نشتم الي دافع عن عقيدته بأي سبب.

عارفين قصة الكاتب الي قال اي كلام... مخالف للعقيدة.. يدل على جهله ورده يدل على انه مصر على جهله وراكب دماغه... انا كده.. والي مش عاجبه في داهيه!!

مشكلتي مش معاه... هو كده خلاص مش عاوز يفهم وهو فاهم انه اعرف واحد بالدين واعلم الناس به.. أجره على ربنا بقى

مشكلتي وحرقة دمي من الناس الي سابته وبتقولك لا الحسنى مهو مش فقيه اصله مخلص بس الشيخ زودها الشيخ اسلوبه مكنش كويس... نسيوا يقولوا الشيخ مكنش مسرح اللحيه وحواجبه منكوشه... والله عيب يا شيخ مش كنت تجيب الست نانسي تبدأ البرنامج اطبطب وادلع علشان الراجل ميزعلش.

هو ده اسمه ايه؟؟ لا مسموش مداهنه ولا تمييع ديه حاجه جديده... يعني انت سايب الكلام الي اتقال وجي تتكلم مع الي دافع عن العقيدة وتهاجمه!! انت كده اسمك عاقل؟ يعني هي ديه الحسنى؟ طيب معنديش مانع تنتقد الشيوخ والناس الي دافعت عن دينها بس تسيبه وتقولي عليه مخلص بس مش فقيه؟ ادام هو مش فقيه بيتكلم ليه؟  وانت عندك من العلم الي يقول الي اتكلم فيه اصول مش حاجه نختلف عليها... 

حبة إخلاص.. حبة انصاف ربنا يرحمكم...