صحيت بعد قسط كافي من النوم... الشيطان بيقولي نفّض... ولا تروح ولا تيجي... انت لسه واخد اجازه هتنزل تعمل مشاوير!!... انا رديت عليه... روحت قايم... مصلي... ولبست هدومي ونزلت... بعد ما عملت ورقه لذيذه... كاتب فيها المفروض اعمل ايه!...
1- اصور البطاقه الجديده، شهادة المؤهل، شهادة الميلاد وشهادة تأديه الخدمه العسكريه :) قدوه حسنه بجد كنت مثال للجندي المصري.
2-استلم الفيش والتشبيه من القسم.
3- مش عاوز اتصور فا هطلع على الصوره بتاعتي.
4- هاروح لحسين الترزي الحاج حسين يعني علشان هافصل عنده البناطيل مليش في الجاهز.. بدل ماشي بناطيل لا
5- المفروض ادور على نموذج توصيه "ريكومنديشن ليتر تمبلت"
6- كرفص، جزر، فاصوليا، كوسه، برتقال، ماجي (لو عرفت هنعمل ايه هتاخد جائزه البوست)
3 comments:
"6- كرفص، جزر، فاصوليا، كوسه، برتقال، ماجي (لو عرفت هنعمل ايه
هتاخد جائزه البوست)"
عدد التباديل (Permutations)
التي يمكن تشكيلها من هذه المجموعة العجيبة من المكونات (بدون ما ندخل البرتقال في المجموع لأنه شوي صعب :P)
هو 120
وعدد التوافيق (Combinations)
الممكن تشكيلها من المكونات هو 1
يعني بالنهاية هي شوربة شوربة لو كيف ما تحاول
LOL
برافو عليكي :))
هي شوربه خضروات مش عارف هل هي اسمها شوربة شوربة عندكم :)) كسبتي جايزة البوست وهي انك تكتبي البوست الي جي
:p
لول... لأ ما اتفقناش على كده
:P
أترك تعليقك