Friday, April 10, 2009

الكذب

الموضوع مش بيتكلم عن كدبة ابريل في الاساس بس بيتكلم عن منظور تاني من الكدب الي بيأثر على الجزء النفسي للانسان الي بيقع في كذبه.

لما تيجي تحكي لازم تتحرى الصدق ممكن يبقى عندك شئ من المبالغه بس متكذبش علشان اثر الكذب على الانسان الي انت بتكذب عليه وحش جدا ممكن تصل انه يفقد الثقه في الكل الناس بسببك او يفقد الثقه في نفسه انه انسان معندوش شخصيه و الناس بتلعب بيه و كده الكدب ممكن ميضرش الي بتكدب عليه ماديا بس بالتأكيد هيضره اكتر مما تتصور معنويا و تحوله لأنسان كاره المجتمع الي حوليه بمجرد انك عاوز تشتغل حد او تضحك!!!

وكمان موضوع كدبة ابريل ده اسخف حاجه بتتعمل لزمتها ايه؟ مش عارف. طب ليه بنقلد الناس فيها؟ برده مش عارف. والله الواحد بيجي من النص التاني لشهر 3 لحد مايخلص شهر 4 خايف يقرا بلوج او ينشر معلومه لمجرد انها ممكن تكون اشتغاله

ده موضوع رحاب كتباه عن كدبة ابريل http://re7abmostafa.blogspot.com/2009/03/blog-post_31.html

احب اختم الموضوع بالحديث النبوي الشريف
عَنْ مُعَاوِيَةَ بْنِ حَيْدَةَ رَضِيَ الله عَنْهُ قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: "وَيْلٌ لِلَّذِي يُحَدِّثُ فَيَكْذِبُ لِيُضْحِكَ بِهِ الْقَوْمَ وَيْلٌ لَهُ وَيْلٌ لَهُ

1 comments:

Rehab Mostafa

يعني + انه حرام هو أذى ومالوش لازمه وزي ماتعلمنا مالوش رجلين وده فعلاً صح مش بيوصل لأي حاجه غير الكدب والخداع وفي الاخر الخساره من كل النواحي
في ميل قرأته من شويه بغض النظر عن ان سقراط ولا غيره هو اللي قال الكلام ده بس المهم خلاصة الميل بتقول قبل ماتيجي تحكي حاجه لازم تعمل فلتر ثلاثي للكلام اللي هتقوله
1- انك تكون متأكد 100% ان اللي هتقوله صح
2- انه يكون شيء طيب
3- انه يكون مفيد
الحاجه اللي ممكن أخسر بسببها أي انسان مهما كان بقى هي الكدب خصوصاً (( الكدب المقصود))ا
في ناس عندها هواية الكدب ماعرفش ازاي وليه يعني

شكراً يا باشمهندس رامي ان اسمي مكتوب:)ا